admin

Komunat e Kosovës që kanë më së shumti buxhet kanë shpenzuar më së paku në kategorinë e investime kapitale deri në gjysmën e parë të këtij viti, raporton portali “FrontOnline”.

Kryetari i kryeqytetit, Përparim Rama, për 6 muaj i ka shpenzuar vetëm 12% të buxhetit në dispozicion për investime kapitale. Pak më shumë kanë shpenzuar Bedri Hamza i Mitrovicës së Jugut dhe Alban Hyseni i Gjilanit, përkatësisht nga 17% të buxhetit të shpenzuar. Ndërsa Gazmend Muhaxheri i Pejës e ka shpenzuar 23% të buxhetit për investime kapitale.

Kryetarët e tri Komunave tjera të mëdha: Prizrenit, Gjakovës dhe Ferizajit kanë shpenzuar dukshëm më mirë. Prizreni për 6 muaj ka shpenzuar 39% të buxhetit për investime kapitale, Gjakova 40%, ndërsa Ferizaji 56%, raporton Front Online.

 Obiliqi mbanë rekordin me investime kapitale, pasohet nga Malisheva, Deçani, Rahoveci dhe Vitia

Rekordin prej Komunave të Kosovës me realizimin e investimeve kapitale e mbanë Xhafer Gashi i Obiliqit, i cili për 6 muaj e ka shpenzuar 82% të buxhetit.

Pas tij, vjen Komuna e Malishevës me 76% të buxhetit të shpenzuar, Deçani 75%, Rahoveci 64%, Vitia 56% dhe Lipjani 48 %.

Komuna e Skënderajt ka shpenzuar 47% të buxhetit për investime kapitale, Klina 43%, Shtimja 41%, Vushtrria 29%, Graçanica 26% dhe Suhareka 24%, raporton Front Online.

Kamenica, Fushë-Kosova dhe Istogu dështojnë keq me investime kapitale

Keq me investime kapitale në gjysmën e parë të vitit rezulton të jetë Komuna e Fushë-Kosovës, e cila e ka shpenzuar vetëm 12% të buxhetit, Dragashi ka shpenzuar vetëm 11%, Hani i Elezit 11%, Istogu 16%, Kaçaniku 13%, Kamenica 9 %, po aq edhe Novoberda.

 Zero shpenzime kapitale në Leposaviq dhe Mitrovicën e Veriut

Për gjashtë muaj asnjë cent nga kategoria e investimeve kapitale nuk është shpenzuar nga dy Komunat veriore: Leposaviqi, ndonëse kryetari i saj, Lulzim Hetemi, për disa muaj ka qëndëruar i ngujuar në zyrën e tij dhe Mitrovica e Veriut, e cila udhëhiqet nga zyrtari tjetër i VV-së, Erden Atiq.

Nga 1 për qind të buxhetit të planifikuar për investime kapitale ka shpenzuar Komuna e Ranillugut dhe ajo e Shtërpcës, raporton Front Online.

Dështim spektakolar i Qeverisë “Kurti” me investime kapitale (Statistika)

Shpenzimet e Komunave nga kategoria e investimeve kapitale

Drenasi 22%

Fushë Kosova 12%

Lipjani 48%

Obiliqi 82%

Prishtina 12%

Shtime 41%

Graçanica 26%

Dragashi 11%

Prizreni 39%

‘Rahoveci 64%

Suhareka 24%

Malisheva 76%

Mamusha 13%

Deçani 75%

Gjakova 40%

Istogu 16%

Klina 43%

Peja 23%

Juniku 3%

Leposaviqi 0%

Mitrovica e Jugut 17%

Skenderaj 47%

Vushtrria 29%

Zubin Potok 4%

Zveçan 3%

Mitrovica e Veriut 0%

Gjilan 17%

Kaçaniku 13%

Kamenica 9%

Novoberde 9%

Shtërpcë 1%

Ferizaj 56%

Vitia 56%

Hani i Elezit 11%

Kllokot 3%

Ranillug 1%