Ja në cilët sektor pati rritje të numrit të të punësuarve në muajin shkurt të këtij viti
Ekonomi / 16 Maj, 2023
admin

Agjencia e Statistikave të Kosovës (ASK) ka publikuar Statistikat Afatshkurtra të Shërbimeve, duke paraqitur indeksin e vëllimit të shërbimeve për shkurt 2023, raporton Instituti për Hulumtime “Front”.

Në muajin shkurt të vitit 2023, indeksi i qarkullimit në sektorët e shërbimeve, krahasuar me muajin e njëjtë të vitit paraprak (Shkurt 2022) kishte rritje te: Agjencitë e udhëtimit (104.38%); Hotelet (72.28%); Aktivitetet e Arkitekturë dhe Inxhinierisë (43.92%); Tregtia (34.5%); Transporti dhe magazinimi (21.78%); Informacioni dhe komunikacioni (21.72%); Bar-Restorantet (16.9%).

Ndërsa, numri i të punësuarve në sektorët e shërbimeve, krahasuar me muajin e njëjtë të vitit paraprak (Shkurt 2022) kishte rritje te: Tregtia (31.44%); Aktivitetet e Arkitekturës dhe Inxhinierisë (18.93%); Informacioni dhe komunikacioni (11.62%); Transporti dhe magazinimi (11.2%); Agjencitë e udhëtimit (3.37%); Bar-Restorantet (3.06%); dhe Hotelet (0.37%).

Shperndaje: