admin

Një miliard e 12.6 milionë euro është vlera e remitencave deri në fund të muajit shtator të këtij viti, që paraqet rritje prej 11% krahasuar me periudhën e njëjtë të vitit 2022, shkruan Reproteri.net.

Sipas raportit të publikuar nga BQK-së, remitancat kryesisht vijnë nga shtetet e BE-së, rreth 70% e gjithsej remitancave, prej të cilave kryeson Gjermania me 38.1% dhe ndiqet nga Zvicra me 17.6% ndërsa nga SHBA-ja rreth 7.5%.

Remitencat deri në muajin shtator tejkalojnë vlerën e 1 miliard eurove

● 1.012.6 miliard euro, vlera e remitencave

● 298.1 milionë euro, asetet e kompanive të sigurimit

● 2.62 miliardë euro, asetet e fondeve pensionale

● 479 milionë euro, asetet e ndërmjetësve tjerë financiar

Një miliard e 12.6 milionë euro është vlera e remitencave deri në muajin shtator, gjë që paraqet
rritje prej 11 për qind krahasuar me periudhën e njëjtë të vitit 2022.

Kështu thuhet në statistikat e remitencave dhe institucioneve tjera financiare për muajin shtator
2023, të publikuara nga Banka Qendrore e Kosovës (BQK), duke shtuar se vlera e tyre, sipas
vlerësimeve, muaj ishin 116.9 milionë euro.

Sipas raportit, prurjet më të mëdha të remitencave ishin nga institucionet financiare jo-bankare
me pjesëmarrje prej 57.4%, pasuar nga kanalet tjera me 24.4% dhe bankat me 18.2%.
BQK-ja tregon se 70% e dërgesave të mërgatës vijnë nga vendet e Bashkimit Evropian, ku
Gjermania ka pjesëmarrje me 38.1%, ndjekur nga Zvicra me 17.6% dhe SHBA-ja me 7.5%.

Për sa i përket aseteve të kompanive të sigurimit, deri në muajin shtator vlera e tyre ishte 298.1
milionë euro. Ndërsa, asetet e fondeve pensionale kanë arritur vlerën e 2.62 miliardë eurove.

Në fund, BQK-ja tregon se asetet e ndërmjetësve tjerë financiar në fund të muajit shtator 2023
janë rritur për 3.1 milionë euro, krahasuar me muajin paraprak duke arritur vlerën e 479 milionë
eurove.