Ali Berisha është anëtar i Aleancës për Ardhmërinë e Kosovës. Si anëtar i kësaj partie, ai është edhe kryetar i Degës në Pejë dhe anëtar i Kryesisë Qendrore.
Gjimnazin e kreu ne Pejë, ndërsa Fakultetin e Mjekësisë në Prishtinë. Ka specializuar mjekësinë interne.
Nga viti 1998-1999, ishte pjesëtar i UÇK-së, përgjegjës për sektorin e shëndetësisë në Zonën Operative të Dukagjinit.
Ka qenë kryetar i Komunës së Pejës.
Në vitin 2016, u zgjodh deputet i Kuvendit të Kosovës.
Në vitin 2017 u emërua zv/ministër i Shëndetësisë.
Jeton në Pejë me gruan dhe 2 fëmijët.
Patundshmëritë
Ali Berisha ka në pronësi një shtëpi në vlerë 280 mijë euro dhe dy parcela toke, vlera totale e të cilave është 113 mijë euro.
Veturat
Posedon dy vetura. Një veturë në vlerë 9 mijë euro në pronësi të tij dhe një veturë tjetër në emër të fëmijëve.
Të hyrat
Në vitin 2021, në cilësinë e deputetit të Kuvendit të Kosovës, Ali Berisha ka pasur të hyra vjetore nga buxheti i shtetit në vlerë prej 22 mijë e 452 euro.
Të hyrat vjetore të pagave të fëmijëve të tij janë prej 22 mijë e 400 euro.
Paratë Cash
Në vitin 2021, ai nuk ka deklaruar se ka para të gatshme në banka, por në vitet paraprake paratë e kursyera të tij ishin diku rreth 1 mijë e 500 euro.
Kreditë
14,627 euro janë detyrimet e tij ndaj bankave.